- Lyrics
- Album list
- Singer Intro
郭大誠
-
床頭打床尾和
原唱:郭大誠/王麗華 Lyricist:郭大誠 Composer:郭大誠
五虎唱片出品
男:這平看見是彼平房噢 看見牽手的梳頭髮吓 胭脂水粉是抺較重噢 不知是欲去尋識人吓 女唱:一世人也無外久 不食不穿嗎等何時 嚛界秀 嚛界秀 嚛界秀 會曉賺 若不曉用 那噯唷 鹽甲球 澀甲檢 嗎無較紙 男:從我出世在世間 不曾看著你這款人 嚛界秀 嚛界秀 嚛界秀 賺一塊要用二錢那唷噢 給我來賺卡多嗎無較紙 女:抺曉讓也不曉讓 我給你到底用外多 無想早前彼當時那噢唷 私房錢呼你提去做生理 男:啊 去啊 去啊 昨日你家甲我撞破碗皿 昨方甲我撞破鍋 今仔日甲我撞破鏡 按呢我怕賺要那會好額 女:是怎樣 破不才有新的 男:啊 破才有新的 你明明要呼我發脾氣的噢 男:發脾氣也發脾氣 你呼我去氣甲半小死呀 嚛界秀 嚛界秀 嚛界秀 無應我也不生氣 那噢唷 你加講話我就甲你摑嘴邊 女:啊 你講要甲我摑嘴邊呀 你是塊甲天公借膽是不 無想我七早八早著甲你煮甲你洗 加用你一塊錢錢存是不用哩是不 男:吓 講少年不知想 吃老著不像樣 親像你一款古井水蛙 不知影金錢的寶貴 賺錢的艱苦 衫一司一司一宜甲我做 什麼上空裝 什麼迷你裝 什麼舊年流彼落大紅花 今年是彼落圓仔花 啊 唷 會吐噢 女:喔 男:看久強西䂭病 女 : 嚇 男:我想講你今年已經四十八 也敢想要艷雞趁鳳飛 女:靜去 你是愛我得你挖古董是不 當初你愛我的時存 講你家是治塊開米輾 田園幾百甲 無我抺跌拍 我都不 你強強要 站我面頭前 講我無論穿什麼衫 都可比仙女下凡 講我是你的天星 太陽 講我是你的心臟 那 無我你會無生命 我看你可憐孤不章才嫁你呢 今日你擱甲我嫌甲無一塊 噯唷 你是個凸肚短命 你是無才朝 娶我要做什麼 男:欸 欸 欸 你愈講擱愈好款 到這來拄著呀 好呀 五百賞你啊 女: 噯唷啊 你敢打我 你祖媽就甲你拼 男: 哦 你那麼殘忍呀 指甲那麼長 這樣甲我扒下去 啊好呀 乎你去呀 女: 啊唷 你敢拿枕頭給我丟 好 我就用這台甲你丟去 男:吔吔吔 擋吓擋吓 彼台是電視機呢 女:噴射機嘛是工款 電視機 你都不怕我死了 我那怕你沒命 男:欸叹 甭當啦 彼台六七千塊列吶 用講吔啦 女:嚇 甭講 甭免講啦 免講啦 男: 免講 免講就 甭講 免講 不要理你了 女:吔 燒等吓 也沒你是要去對位 男:你也管我要去對位 要來去灶腳呷雞腿啦 女:喂 等列啦 那隻雞腿是我的份吶 男:哦 彼隻雞腿是你的份哦 啊 我的份咧 女:中午己經呷了去啊啦 男:呷了 啊我怎麼沒呷 女:嘻嘻 我代替你呷 不是工樣 男: 哦哦 你代替我呷工樣 啊吶好 啊吶好 真好 真好 女:賣醜嗎 嘻嘻嘻 男: 嘻嘻嘻哈哈
人講家和萬事成 吵家六屆萬世行 嚛界秀 嚛界秀 嚛界秀 床頭打擱床尾和 哪唉唷 相久償 才會來作夫妻唷
------------------------------------------
17359/《床頭拍閣床尾和》Tshn̂g-thâu Phah Koh Tshn̂g-bué Hô 郭大誠Kueh Tāi-sîng 王麗華Ông Lē-huâ
↓↓♪♫♪♩♬♪♩♬♪♩♫↓↓ 男) 這爿看見 tsit pîng khuànn-kìnn 是彼爿房喔 sī hit pîng pâng--ooh 看見牽手的 khuànn-kìnn khan-tshiú--ê 咧梳頭鬃欸 teh se thâu-tsang--eh 胭脂水粉 ian-tsi tsuí-hún 是抹遐重喔 sī buah hiah tāng--ooh 毋知是欲去 m̄-tsai sī beh khì 揣啥人欸 tshē siánn-lâng--eh
女) 一世人 tsi̍t-sì-lâng 也無偌久 iā bô guā-kú 毋食毋穿嘛 m̄ tsia̍h m̄ tshīng--mah 等何時啊 tán hô-sî--ah Lok-kai-siooh! Lok-kai-siooh! Lok-kai-siooh! 會曉趁啊袂曉用 ē-hiáu thàn--ah buē-hiáu īng 哪噯唷 nah-aih-iooh 鹹佮虯澀佮儉 kiâm kah khiû siap kah khiām 嘛無較縒 mā bô-khah-tsua̍h
男) 從我出世在世間 tsîng guá tshut-sì tsāi sè-kan 毋捌看著你這款人 m̄-bat khuànn-tio̍h lí tsit khuán lâng Lok-kai-siooh! Lok-kai-siooh! Lok-kai-siooh! 趁一仙欲用兩仙 thàn tsi̍t-sián beh īng nn̄g-sián 哪噯唷 nah-aih-iooh 予我來趁較濟 hōo guá lâi thàn khah tsuē 嘛無較縒 mā bô-khah-tsua̍h
女) 袂曉說啊袂曉說 buē-hiáu sueh--ah buē-hiáu sueh 我共你到底用偌濟啊 guá kā lí tàu-té īng guā-tsē--ah Lok-kai-siooh! Lok-kai-siooh! Lok-kai-siooh! 無想早前彼當時 bô siūnn tsá-tsiân hit-tang-sî 哪噯唷 nah-aih-iooh 私奇錢 sai-khia-tsînn 予你提去做生理 hōo lí the̍h khì tsuè-sing-lí ↑↑♪♫♪♩♬♪♩♬♪♩♫↑↑
↓↓(口白)---(口白)---(口白)↓↓ 男) 啊!啊!去矣!去矣! ah! ah! khì--ah! khì--ah! 啊昨日你共我挵破碗盤 ah tso̍h--ji̍t lí kā guá lòng-phuà uánn-puânn 昨昏你共我挵破鼎 tso-hng lí kā guá lòng-phuà tiánn 今仔日共我挵破鏡 kin-á-ji̍t kā guá lòng-phuà kiànn 按呢我仙趁 án-ne guá sian thàn 欲哪會好額 beh ná ē hó-gia̍h
女) 是怎樣 sī tsuánn-iūnn 破毋才有新的 phuà m̄-tsah ū sin--ê 男) 唅!破才有新的 hannh! phuà tsiah ū sin--ê 啊你明明欲予我發脾氣的喔 ah lí bîng-bîng beh hōo guá huat phî-khì--ê ooh ↑↑(口白)---(口白)---(口白)↑↑
↓↓♪♫♪♩♬♪♩♬♪♩♫↓↓ 男) 發脾氣啊發脾氣 huat phî-khì--ah huat phî-khì 你予我氣甲半小死啊咧 lí hōo guá khì kah puànn-sió-sí--ah-leh Lok-kai-siooh! Lok-kai-siooh! Lok-kai-siooh! 莫應我 mài ìn guá 也袂受氣 iā buē siūnn-khì 哪噯唷 nah-aih-iooh 你加講話 lí ke-kóng-uē 我就共你揌喙邊 guá tsiū kā lí sai-tshuì-pinn ↑↑♪♫♪♩♬♪♩♬♪♩♫↑↑
↓↓(口白)---(口白)---(口白)↓↓ 女) 唅!你講欲 hannh! lí kóng beh 共我揌喙邊啊 kā guá sai-tshuì-pinn--ah 你是咧共天公借膽 lí sī tih kā thinn-kong tsioh tánn 是毋 sī--m̄ 無想我七早八早 bô siūnn guá tshit-tsá-pueh-tsá 就共你煮就共你洗 tō kā lí tsú tō kā lí sé 加用你兩仙錢仔 ke īng lí nn̄g-sián-tsînn-á 是袂用得 sī buē-īng--tit 是毋 Find more lyrics at ※ Mojim.com sī--m̄
男) 唅~人講少年毋捌想 hannh~ lâng kóng siàu-liân m̄-bat siūnn 食老就毋成樣 tsia̍h-lāu tō m̄-tsiânn-iūnn 親像你這款鼓井水雞 tshin-tshiūnn lí tsit khuán kóo-tsínn tsuí-ke 毋知影金錢的寶貴 m̄ tsai-iánn kim-tsînn ê pó-kuì 趁錢的艱苦 thàn-tsînn ê kan-khóo 衫一軀一軀 sann tsi̍t-su tsi̍t-su 一直共我做 it-ti̍t kā guá tsuè 啥物上空裝囉 siánn-mih shàngkōngzhōng--looh 啥物號做迷你裝啦 siánn-mih hō-tsò mínǐzhuāng--lah 啥物舊年是流行彼號大紅花 siánn-mih kū-nî sī liû-hîng hit-lō tuā-âng-hue 今年是彼號圓仔花 kin-nî sī hit-lō înn-á-hue 啊唷 ah-iooh 會吐喔 ē thòo--ooh
女) 唅! hannh! 男) 看久強欲破病 khuànn kú kiōng-beh phuà-pīnn 女) 欸! ennh! 男) 曷無想你 a̍h-bô siūnn lí 今年已經卌八 kin-nî í-king siap-pueh 也敢想欲閹雞趁鳳飛 iā kánn siūnn-beh iam-ke thàn hōng pe
女) 恬去 tiām--khì 你是愛我共你搤古董 lí sī ài guá kā lí iah-kóo-tóng 是毋 sī--m̄ 當初你愛我的時陣 tong-tshoo lí ài guá ê sî-tsūn 講恁兜是佇咧開米絞 kóng lín tau sī tī-eh khui bí-ká 田園規百甲 tshân-hn̂g kui-pah kah 無我袂鑠拍 bô guá buē siak-phah
我都毋 guá to m̄ 你強強欲 lí kiōng-kiōng bueh 踮咧我的面頭前 tiàm eh guá ê bīn-thâu-tsîng 講我無論穿啥物衫 kóng guá bô-lūn tshīng sń-mih sann 都可比親像仙女下凡 to khó-pí tshin-tshiūnn sian-lí hā-huān 講我是你的天星太陽 kóng guá sī lí ê thinn-tshinn thài-iông 講我是你的心臟 kóng guá sī lí ê sim-tsōng 若無我 nā bô guá 你會無性命 lí ē bô sìnn-miā 我看你可憐 guá khuànn lí khó-lîn 孤不將 koo-put-tsiong 才嫁你呢 tsiah kè lí--neh
今仔日你閣共我 kin-á-ji̍t lí koh kā guá 嫌甲無一塊 hiâm kah bô tsi̍t-tè 噯唷! aih-iooh! 你這膨肚短命 lí tse phòng-tōo-té-miā 你是無才調 lí sī bô tsâi-tiāu 娶我欲創啥物 tshuā guá beh tshòng siánn-mih
男) 噯!噯!噯!噯! aih! aih! aih! aih! 你愈講煞愈好款 lí jú kóng suah jú hó-khuán 啊到遮來 ah kàu tsia lâi 拄著矣 tú-tio̍h--ah 好啊 hó--ah 五百賞你啊 gōo-pah siúnn lí--ah
女) 噯唷啊 aih-iooh-ah 你敢拍我 lí kánn phah guá 恁祖媽就佮你拚 lín tsóo-má tō kah lí piànn 欸咿! eh-ih!
男) 啊咿!喔!你遐殘忍啊 ah-ih! ooh! lí hiah tsân-jím--ah 彼指甲遐爾長 he tsíng-kah hiah-nī tn̂g 按呢共我耙落去 án-ne kā guá pê--lo̍h-khì 啊!好啊 ah! hó--ah 予你去啊 hōo lí khì--ah
女) 啊唷!你敢提枕頭共我掔 ah-iooh! lí kánn the̍h tsím-thâu kā guá khian 好!我就用這台共你掔去 hó! guá tō īng tsit tâi kā lí khian--khì 男) 欸~擋咧擋咧 eh~ tòng--eh tòng--eh 彼台是電視機呢 hit tâi sī tiān-sī ki--neh 女) 噴射機嘛是仝款 phùn-siā-ki mā sī kāng-khuán 電視機 tiān-sī-ki 你都毋驚我死矣 lí to m̄-kiann guá sí--ah 我哪驚你無命 guá ná kiann lí bô miā
男) 噯唷!毋通啦 aih-iooh! m̄-thang--lah 欸~彼一台六七千箍咧呢 eh~ he tsi̍t tâi la̍k-tshit tshing khoo--leh-neh 用講的啦 iōng kóng--ê lah 女) 哈!免講 hah! bián kóng 毋免講啦 m̄-bián kóng--lah 毋免講啦 m̄-bián kóng--lah 男) 免講 bián-kóng 免講就汰講 bián-kóng tō thài kóng 閣免講 koh bián-kóng 無愛插你矣 bô-ài tshap lí--ah
女) 欸~小等咧 eh~ sió-tán--leh 曷無 ia̍h-bô 你是欲去佗位 lí sī beh khì tó-uī 男) 你曷管我欲去佗位 lí a̍h kuán guá beh khì tó-uī 欲來去灶跤食雞腿啦 beh lâi-khì tsàu-kha tsia̍h ke-thuí--lah 女) 欸!等咧啦 eh! tán--leh-lah 彼肢雞腿是我的份呢 hit ki ke-thuí sī guá ê hūn--neh 男) 唅!彼肢雞腿是你的份喔 hannh! hit ki ke-thuí sī lí ê hūn--ooh 啊我的份咧 ah guá ê hūn--leh 女) 下晝已經食了去矣啦 e-tàu í-king tsia̍h-liáu khì--ah-lah
男) 食了 tsia̍h-liáu 啊!啊我哪會無食 ah! ah guá ná ē bô tsia̍h 女) 嘿嘿!啊我代替你食 hennh-hennh! ah guá tāi-thè lí tsia̍h 毋是仝款 m̄-sī kāng-khuán 男) 喔喔!你代替我食 ooh-ooh! lí tāi-thè guá tsia̍h 仝款 kāng-khuánn 啊按呢好 ah án-ne hó 按呢好 án-ne hó 真好真好 tsin hó tsin hó 女) 袂䆀嘛 buē-bái--mah 嘿嘿嘿 hennh hennh hennh 男) 嘿嘿嘿嘿 hennh hennh hennh hennh ↑↑(口白)---(口白)---(口白)↑↑
↓↓♪♫♪♩♬♪♩♬♪♩♫↓↓ 人講家和萬事成 lâng kóng ka hô bān-sū sîng 吵家抐宅嘛萬世窮啊 tshá-ke-lā-the̍h--mah bān-sì kîng--ah Lok-kai-siooh! Lok-kai-siooh! Lok-kai-siooh! 床頭拍閣床尾和 tshn̂g-thâu phah koh tshn̂g-bué hô 哪噯唷 nah-aih-iooh 相欠債 sio khiàm-tsè 才會來做夫妻唷 tsiah-ē lâi tsuè hu-tshe--iooh ↑↑♪♫♪♩♬♪♩♬♪♩♫↑↑
- Special thanks to W.B. Chen for correcting the lyric.
- Related Links: W.B. Chen
|